wwwwwwwwwaaaaaaaaaoooooooooo!!!!!!!!!!

واحد طبيب بيطري مشى يخطب واحد البنت. سولو باها قال ليه: واش نتا معروف؟
قال ليه: وايلي تانتا، ماكاينش شي حمار ف المغرب ماتيعرفنيش





قاليك هدا واحد كيسمع الخارج راه فيه الفلوس غير مشتين وكلشي لاباس عليه، وهو يبيع دارو والبهايم ومشى سافر. غير وصل نزل من الطيارة وهو يلقى 20 أورو طايحة و هو يدفعها برجليه و قال: تفو على فال كيف داير، شلا باش بديت



هادا واحد المعلم تعين ف واحد لقرية ف لعروبية. واحد النهار دّا الكاشير للقسم و سول التلاميد: ما هذا؟
حتى واحد ما قشع أشنو داكشي. شوية و هو يهز واحد التلميد صبعو: هاديك ممحاة ديال ستاشرمية


هادا واحد الاستاد سول التلاميد دياولو :ما هو أقرب كوكب إلى الأرض؟
حتى واحد ما عرف يجاوب. شوية و هو يهز واحد الكسول إيديه: "استاد، استاد، استاد
قال ليه جاوب
جاوب الكسول: الكوكب المراكشي


الأستاذ: يعيش السمك في الماء.
التلميذ: يعيش يعيش يعيش


هادا واحد مولف يتعشى ببيضة وحدة. واحد النهار قالت ليه مرته: اليوم درنا البيض و ماطيشة
و هو يقول ليها: آرا برع! جوج عشاوات



واحد الزقرام أول مرة ياكل مسكة، و هو يحلف ما ينعس حتى يكملها



هادو تلاتة زقرامين قرروا يتبرعوا بشوية من فلوسهم حيت كترات عليهم الهدرة
قال ليهم اللول: غادي نرسم واحد الدائرة و نلوح الفلوس من الفوق. الفلوس اللي طاحوا ف الداخل ديال الدائرة ديالي. و الفلوس اللي يطيحوا ف برا الدائرة غادي نتصدق بيهم
قال ليهم التاني: أنا غادي نرسم واحد الخط و نلوح الفلوس من الفوق. الفلوس اللي طاحوا على ليمن ديال الخط ديالي، و اللي طاحوا على ليسر ديال الخط نتصدق بيهم
ناض التالت قال ليهم: أنا غادي نلوح الفلوس من الفوق. اللي طاحوا ديالي و اللي بقى ف السما نتصدق بيه





هادا واحد القرزاز سايق الموطور ديالو و هاز خنشة ديال الطحين. شوية تلفت موراه و هو يموت. بان ليه الخط البيض ديال الشانطي و هو يسحاب ليه واش الدقيق ديالو اللي كيتكفح ليه



هادا واحد مسموم مشى لواحد الجنازة و بدا يبكي يبكي يبكي. سولوه الناس: واش كتعرف هادا اللي مات؟
قال ليهم: لا، و لكن سمعت بأن البكا كيعدب الميت





مسموم قطعات ليه الدولة النص ديال المانضة ديالو كتبرع للانتفاضة، ناض تبرع بالنص التاني لإسرائيل




واحد مسموم عينوه رئيس د البوليس. أول حاجة دارها ناض بدل رقم الطوارئ من 190 ل 08397287873902982




واحد المسموم اتصل بالراديو و أهدى أغنية بابا فين للأيتام ف عيد الام



واحد الشفار مسموم دخل لواحد الدار يسرقها و ما لقى فيها والو. ناض اتصل بأمريكا و خلى السماعة مرفوعة و مشى



هادا واحد قال لمرته: انتي حمامة
قالت له: لا، أنا غزالة
قال لها: واخا. المهم حيوانة



واحد المسموم عندو طاكسي. طلق مرتو، و مللي مشى يوصّلها لدار بّاها خدم ليها الكونتور


هادو جوج مبوقين مخاطرين على مش... واش نيت مش أولا مشة
داز واحد مبوق كتر منهم و هوما يسولوه. قال ليهم: ساهلة! نضربو بحجرة. إيلا هرب هي مش، و إيلا هربات هي مشة






نتا مراجلش الا مخليتي رد